Пасионирани ентузијасти, на кои споредната рекреативна активност им е животен стил.
Возењето на велосипед е повеќе од викенд рекреација, тоа е светски тренд што сигурно навлегува и кај нас.
Ние можеби не сме пионери во велосипедизмот во Кочани, но сме достојни носители на тековните велосипедски настани.
Кочани има географска предиспозиција и долгогодишна традиција за масовност на користењето на точаците. Околината е претежно рамнинска со низински села и затоа како алтернативно шизичко превозно средство се користи точак. Планинската и ридска околина изобилува со црни камионски патишта како и пробиени ридски патеки, што е идеално за планински велосипедизам.
|
Road bike Роудбајк или точак за асфалт е точак со понежна рамка но со поголеми тркала 28 инчи или 700 мм. Поретко се користат тркала од 26 инчи. Гумите се без или со мали шари и потесни, за да се смали отпорот што го прави патот. Добар е за рекреативно возење по добар пат. Сите брзински точаци се од овој вид. Ефтините модели се железни, добрите се алумуниумски а врните модели се со карбонска рамка и вилушка. |
Mountain bike Моунтинбајк се точаци со појака рамка и опрема, и карактеристично за нив е што имаат амортизери и широки гуми со крупни шари. Тркалата се 26 инчи. Точаците со предни амортизери се хардтеил (hardtail), а со предни и задни амортизери се фулсуспенжн (full suspension). Предност на хардтеил е подобра искористеност на силата и помала цена, а предност на фулсуспенжн е подобра амортизација и стабилност на полош терен. Хардтеил се подобри за апхил или возење наугорнина, а фулсуспенжн се подобри за даунхил или спуштање. Во моментот хардтеил се помасовни, но иднината е во фул, во моментот во Кочани има мал број на фулсуспенжн точаци. |
|
Рекреативни возења Рекреативни возења со роуд бајкови во Кочани се прават до Браната кај што има и умерени успони, а во последно време популарни се и рамнинските обиколки на селата и Виница. Класични кругови се Кочани-Зрновци-Виница, Кочани-Зрновци-Виница-Јакимово-Истибања, Кочани-Облешево-Мојанци-Грдовци-Прибачево. Овие возења без проблем можат да ги практикуваат сите сопственици на точаци. |
Рекреативни возења Голем број дечки и девојки имаат послаби или подобри маунтинбајкови, на кои крајно достигнување им е возење до браната каде патот и не одговара за роудбајк, а похрабрите се спуштаат по старата козја патека од браната до градот. |
|
Спортски достигнувања Долги роудбајк тури можат да се прават по регионалните патишта до Пониква, Штип, Пробиштип, Каменица, Обозна, Смоимирово или пак кругот Кочани-Виница-Смоимирово-Делчево-Каменица. Особено активни се клубот Електрика со повеќегодишни последователни врвни достигнивања на државно и меѓународно ниво. |
Напредни тури Тие што го поминале првото одделение со петка, се наши членови или кандидати за клубот Поскок. Задоволството после долг и тежок апхил и потоа адреналински спуст е причина и последица за пасионираноста на нашата група и мотивот за оваој повик на масовност. Ние практикуваме кроскантри возење, во кое до израз доаѓа физичката спремност. Даунхилот ни е умерен, поради зголемениот ризик но и конфигурацијата на теренот. |
